Pañcadaśo'dhikāraḥ

Technical Details
  • Text Version:
    Romanized
  • Input Personnel:
    DSBC Staff
  • Input Date:
    2004
  • Proof Reader:
    Miroj Shakya
  • Supplier:
    Nagarjuna Institute of Exact Methods
  • Sponsor:
    University of the West
Parallel Devanāgarī version

पञ्चदशोऽधिकारः

pañcadaśo'dhikāraḥ



uddānama

upāyasahitakarmavibhāge catvāraḥ ślokāḥ |



adhimukterbahulatā dharmaparyeṣṭideśane|

pratipattistathā samyagavavādānuśāsanaṃ||1||



yathā pratiṣṭhā vanadehiparvatapravāhinīnāṃ pṛthivī samantataḥ|

tathaiva dānādiśubhasya sarvato budheṣu karma trividhaṃ nirucyate||2||



suduṣkaraiḥ karmabhirudyatātmānāṃ vicitrarūpairbahukalpanirgataiḥ|

na kāyavāk cittamayasya karmaṇo jinātmajānāṃ bhavatīha saṃnatiḥ||3||



yathā viṣācchastramahāśanād[ne] ripornivārayedātmahitaḥ svamāśrayaṃ|

nihinayānadvividhājjinātmajo nivārayetkarma tathā trayātmakaṃ||4||



na karmiṇaḥ karma na karmaṇaḥ kriyāṃ sadāvikalpaḥ samudīkṣate tridhā|

tato 'sya tatkarma viśuddhipāragaṃ bhavatyanantaṃ tadupāyasaṃgrahāt||5||



|| mahāyānasūtrālaṃkāre upāyasahitakarmādhikāraḥ pañcadaśaḥ||